जाग रे अब जूना जोगी... चारण की कविता charan kavita top charan kavi richhpaldan charan and govind poonia

जाग रे अब जूना जोगी...
____________________
जाग रे अब जूना जोगी,
भोगी मतना भव बंधन !
सुमरण किजै  शक्ति शंभु,
सुख पूरसी सबरै सदन ।।

सब जाण कर अनजाण क्यूं है,
 यूं मैं तुम  सूं  पूछता ।
कर गौर अब गिरजा सुतन,
क्यूं सांच सूं मुख मोड़ता ।।

उठ कलम धारण करत कर में,
भारत री लिख वेदना ।
सच नै है साबित करणू सच में,
लख्खन रेख ना भेदना ।



लिख राम रा सब काम रूठा,
कुड़  कपट्ट ना कहजै। 
अब आखजै अमृत वचन,
ज्यूं  शारदे सास्वत सजे ।।

अब धर्म धीरज धारण कर,
सब काम कर कल्याण का ।
मन मोह त्यागत छळ छंदन,
कथ किरत किनियांण का ।।
______________________
रिछपाल सिंह बारहठ रजवाड़ी
      (चारणवासी- चूरू)
    गोविन्द पूनिया देशी छोरा
            (सोमासी -चूरू)